Premio de Ensaio Ramón Piñeiro

O Premio de Ensaio Ramón Piñeiro é un premio literario vixente desde o ano 2000, en memoria do escritor, filósofo e galeguista Ramón Piñeiro. Premia ao mellor ensaio de entre todas as obras presentadas neste xénero escrita en lingua galega para impulsar o estilo e a precisión desta lingua.

Historia

Este galardón nace da unión de dous premios creados con anterioridade e ambos adicados a este autor, un por parte da Editorial Galaxia e o outro a través do Centro Ramón Piñeiro (organismo dependente da Consellaría de Educación e Ordenación Universitaria). Debido a unha decisión común, ambas institucións xuntaron os premios para achegar a este un maior recoñecemento cara á sociedade. Para aumentar a contía económica do galardón, contan coa colaboración da empresa Gas Natural Fenosa, ascendendo así a contía a 3000 euros. Este premio reflexa o percorrido da obra de Ramón Piñeiro, facendo honra ao seu espírito libre e democrático tratando de incrementar a creación en lingua galega, así como facendo reflexionar sobre os problemas do momento .

Características do Premio

Poderán participar todas as persoas que o desexen.
Os orixinais deben ser inéditos e escritos en lingua galega.
A extensión dos orixinais abranguerá entre 200.000 e 300.000 carácteres.
O tema dos ensaios é libre.
Editorial Galaxia publicará e comercializará o libro na súa colección ‘Ensaio’.
Os membros do xurado, en número de cinco, serán nomeados de común acordo entre as entidades convocantes.

Lista de premiados e obras

2000 - Basilio Lourenço Fondevila, por A submisión das masa. Do poder do progreso ao progreso do poder
2002 - Anxo A. Rei Ballesteros, por Tempo e vinganza
2003 - Xosé Luís Barreiro Rivas, por A terra quere pobo
2004 - Teresa Moure, por Outro idioma é posible
2005 - Rebeca Baceiredo, por O suxeito posmoderno. Entre a estética e o consumo
2006 - Ramón Area Carracedo e Alexandre García-Caballero, por Psicopatoloxía do retorno
2007 - María López Sández, por Paisaxe e nación. A creación discursiva do territorio
2008 - Xosé Ramón Quintana Garrido, Un longo e tortuoso camiño
2009 - Manuel Pérez Rúa, por Domingos de calcetíns brancos. Retratos do cambio social na xeración do 1950
2010 - Ramón Máiz, por A arte do imposible
2011 - Teresa Moure, por Queer-emos un mundo novo
2012 - Xaime Subiela, por Para que nos serve Galiza?
2013 - Teresa Moure, María Durán Medraño, por Da natureza de escritores, artistas e vermes. Ensaio sobre o pracer nun diálogo con Karl Marx

Referencias

^[1] ^[2]

Enlaces externos

[1] ttp://www.editorialgalaxia.es/actualidade/premio.php?lang=gal&id=0

[2] ttp://axendaaelg.blogaliza.org/2014/09/23/bases-do-xiv-premio-de-ensaio-ramon-pineiro/

[1]

[2]

Usuario:LiteGalMalicia/Taller

Índice