Original de 1843
1
Ccanmi Dios canqui yuracc hostia santa,
cconccor sayaspam chunca muchhaycuyqui,
vyarillahuay apu Jesu Cristo,
Dios huac-chay ccuyacc.
2
Checcacc Dios caspam, runa tucurccanqui,
Virgen Mariacc huahuan caspataccmi,
huañusacc, ñispa, cay Sacramentopi,
qqueparirccanqui.
3
Cay yuracc tanta, ttantan ñaupacc carccan:
cunancca manam ttanta caypi canchu,
Dios yayanchicpa causacc uccunmanmi
ttanta tucurccan.
4
Calizpi caccri vinon ñaupacc carccan,
cunancca vino manam chaypi canchu;
Cristo Jesuspa causacc yahuarñinmanmi,
vino tucurccan.
5
Virgen huacharccan Navidad tutapi,
huchanchisraycun, Cruspipas huañurccan,
causarimpuspa gloriaman cutirccan,
pay punim caypi.
6
Chay, ari, huauqque, tucuy soncconchishuan,
Dios Yayanchista chunca muchhaycusun,
Cristo Jesusmi cay Sacramentopi,
quiquim Dios tian.
7
Chunca hostiapas, huaranccapas cacctim,
manam Diosñinchis raquirccaricunchu:
huc sapallanmi llapantimpi tian
checcacc Dios Cristo,
8
Achca runapas, hucllapas micucctin,
cuscallam micun, chay chicatataccmi,
huc-pas, achcapas, Cristocc aychanta
llapam chasquicun.
9
Allin runapas, mana allin runapas,
comulgaspacca, Diosta punim micun:
causaуpacc allin, mana allin-cunari
huiñay huañuуpacc.
10
Huchasapari comulgasacc ñispa,
llapa huchanta confesacuchunracc
llaquicuchuntacc: hina micuspacca
qquespinccataccmì.
11
Cruzpi huañucctin, Dios cayñincca manam
ricurirccanchu, runa cayñiyllanmi
chaypi muchurccan, checcacc Dios cayñincca
pacasccam carccan.
12
Cay hostiapiri manam ricurinchu
runa cayñimpas, ccapacc Dios cayñimpas:
Ccancca checcaccllan pacascca Diospuni
hostiapi canqui.
13
Cristianocuna mascahuancca, ñispam
Jesus Yayanchis hostiapi pacacun:
mascasun, ari, Cristo Diosñinchista
muchhaycusuntacc.
14
Muchhaycusccayqui Apu Jesu-Cristo,
chay hostiamanta ccahuarimullahuay:
rurahuasccayqui huac-cha runayquita
qquespichihuaytacc.
15
Apu Dios Ccampacc, Santa Virgenmanta
paccarimucc-pacc, huiñay gloria cachun:
ccapacc Yayapacc, Espiritu Santopacc
gloria cachuntacc.
Amen.
|
Original de Oré 1598
1
Canmi Dios canqui yurac hostia sancta,
concor sayaspam chunca muchaycuyqui,
vyarihuaytac apu Iesu Christo,
Dios huacchaycuya.
2
Checan Dios caspam runa tucurcanqui,
virgen Mariap huahuan caspatacmi,
huañussac ñispa, cay sacramentopi,
queparircanqui.
3
Cay yurac tanta, tantam ñaupac carcan:
cunanca manam tanta caypi canchu,
Dios yayanchicpa cauçac vcunmanmi
tanta tucurcan.
4
Calizpi cacri vinom ñaupac carcan,
cunanca vino manam chaypi canchu;
Christo Iesuspa cauçac yahuarninmi,
vino tucurcan.
5
Virgen huacharcan nauidad tutapi,
huchanchic raycu, cruzpipas huañurcan,
cauçarimpuspa gloriaman cutircan,
Pay punim caypi.
6
Chay, ari, huauque, tucuy sonconchichuan,
Dios yayanchicta chunca muchaycussun,
Christo Iesusmi cay sacramentopi,
quiquin Dios tian.
7
Chunca hostiapas, huarancapas captin,
manam Diosñinchic raquircaricunchu:
huc çapallanmi llapantimpi tian
checan Dios Cristo.
8
Achca runapas, hucllapas micuptin,
cuscallam micun, chay chicatatacmi,
hucpas, achcapas, Cristop aychanmanta
llapam chazquicun.
9
Alli runapas, manalli runapas,
comulgaspaca, Diosta punim micun:
cauçaуpac alli, manallicunari
viñay huañuуpac.
10
Huchaçapari comulgassac ñispa,
llapa huchanta confessacuchunrac
llaquicuchuntac: hina micuspaca
quespincatacmi.
11
Cruzpi huañuptin, Dios cayñinca manam
ricurircanchu, runa cayñillanmi
chaypi muchurcan, checan Dios cayñinca
pacascam carcan.
12
Cay hostiapiri manam ricurinchu
runa cayñimpas, capac Dios cayñimpas:
camca checallan pacasca Dios punim
hostiapi canqui.
13
Christianocuna mascahuanca, ñispam
Iesus yayanchic hostiapi pacacun:
mascassun ari, Christo Diosñinchicta
muchaycussuntac.
14
Muchaycuscayqui Apu Iesu Christo,
chay hostiamanta cahuarimullahuay:
rurahuascayqui huaccha runayquicta
quespichihuaytac.
15
Apu Dios campac sancta Virgenmanta
pacarimucpac, viñay gloria cachun:
capac Yayapac Spiritu sanctopac
gloria cachuntac.
Amen.
|
Quechua sureño
1
Qammi Dios kanki yuraq Hostia Santa,
qunqur sayaspam chunka muchaykuyki,
uyarillaway Apu Jesu Kristo,
Dios wakcha kuyaq.
2
Chiqan Dios kaspam runa tukurqanki,
Virgen Mariap wawan kaspataqmi,
wañusaq ñispa, kay sakramentopi,
qiparirqanki.
3
Kay yuraq tanta, tantam ñawpaq karqan:
kunanqa manam tanta kaypi kanchu,
Dios yayanchikpa kawsaq ukunmanmi
tanta tukurqan.
4
Kalispi kaqri vinom ñawpaq karqan,
kunanqa vino manam chaypi kanchu;
Kristo Jesuspa kawsaq yawarninmi,
vino tukurqan.
5
Virgen wacharqan Navidad tutapi,
huchanchik rayku, Kruspipas wañurqan,
kawsarimpuspa gloriaman kutirqan,
Paypunim kaypi.
6
Chay, ari, wawqi, tukuy sunqunchikwan,
Dios yayanchikta chunka muchaykusun,
Kristo Jesusmi kay sakramentopi,
kikin Dios tiyan.
7
Chunka hostiapas, waranqapas kaptin,
manam Diosñinchik rakirqarikunchu:
huk sapallanmi llapantinpi tiyan
chiqan Dios Kristo.
8
Achka runapas, hukllapas mikuptin,
kuskallam mikun, chaychikatataqmi,
hukpas, achkapas, Kristop aychanmanta
llapam chaskikun.
9
Allin runapas, manallin runapas,
komulgaspaqa, Diostapunim mikun:
kawsaуpaq allin, manallinkunari
wiñay wañuуpaq.
10
Huchasapari komulgasaq ñispa,
llapa huchanta konfesakuchunraq
llakikuchuntaq: hina mikuspaqa
qispinqataqmi.
11
Kruspi wañuptin, Dios kayñinqa manam
rikurirqanchu, runa kayñillanmi
chaypi muchurqan, chiqan Dios kayñinqa
pakasqam karqan.
12
Kay hostiapiri manam rikurinchu
runa kayñinpas, qapaq Dios kayñinpas:
qamqa chiqallan pakasqa Diospunim
hostiapi kanki.
13
Kristianokuna maskawanqa, ñispam
Jesus yayanchik hostiapi pakakun:
maskasun ari, Kristo Diosñinchikta
muchaykusuntaq.
14
Muchaykusqayki Apu Jesu Kristo,
chay hostiamanta qawarimullaway:
rurawasqayki wakcha runaykita
qispichiwaytaq.
15
Apu Dios Qampaq Santa Virgenmanta
paqarimuqpaq, wiñay gloria kachun:
Qapaq Yayapaq Espiritu Santopaq
gloria kachuntaq.
Amen.
|
Cuzqueño moderno
1
Qanmi Dios kanki yuraq Hostia Santa,
qonqor sayaspan chunka much'aykuyki,
uyarillaway Apu Jesu Kristo,
Dios wakcha khuyaq.
2
Cheqaq Dios kaspan runa tukurqanki,
Virgen Mariaq wawan kaspataqmi,
wañusaq nispa, kay sakramentopi,
qheparirqanki.
3
Kay yuraq t'anta, t'antan ñawpaq karqan:
kunanqa manan t'anta kaypi kanchu,
Dios yayanchispa kawsaq ukhunmanmi
t'anta tukurqan.
4
Kalispi kaqri vinon ñawpaq karqan,
kunanqa vino manan chaypi kanchu;
Kristo Jesuspa kawsaq yawarninmi,
vino tukurqan.
5
Virgen wacharqan Navidad tutapi,
huchanchisraykun, Kruspipas wañurqan,
kawsarimpuspa gloriaman kutirqan,
Paypunin kaypi.
6
Chay, ari, wayqe, tukuy sonqonchiswan,
Dios yayanchista chunka much'aykusun,
Kristo Jesusmi kay sakramentopi,
kikin Dios tiyan.
7
Chunka hostiapas, waranqapas kaqtin,
manan Diosñinchis rakirqarikunchu:
huk sapallanmi llapantinpi tiyan
cheqaq Dios Kristo.
8
Askha runapas, hukllapas mikhuqtin,
kuskallam mikhun, chaychikatataqmi,
hukpas, askhapas, Kristoq aychanmanta
llapan chaskikun.
9
Allin runapas, manallin runapas,
komulgaspaqa, Diostapunin mikhun:
kawsaуpaq allin, manallinkunari
wiñay wañuуpaq.
10
Huchasapari komulgasaq nispa,
llapa huchanta konfesakuchunraq
llakikuchuntaq: hina mikhuspaqa
qespinqataqmi.
11
Kruspi wañuqtin, Dios kayninqa manan
rikurirqanchu, runa kaynillanmi
chaypi muchurqan, cheqaq Dios kayninqa
pakasqan karqan.
12
Kay hostiapiri manan rikhurinchu
runa kayninpas, qhapaq Dios kayninpas:
qanqa cheqallan pakasqa Diospunin
hostiapi kanki.
13
Kristianokuna maskawanqa, nispan
Jesus yayanchis hostiapi pakakun:
mask'asun ari, Kristo Diosninchista
much'aykusuntaq.
14
Much'aykusqayki Apu Jesu Kristo,
chay hostiamanta qhawarimullaway:
ruwawasqayki wakcha runaykita
qespichiwaytaq.
15
Apu Dios Qanpaq Santa Virgenmanta
paqarimuqpaq, wiñay gloria kachun:
Qapaq Yayapaq Espiritu Santopaq
gloria kachuntaq.
Amen.
|
